Welcome to Samarqand viloyati Avtomobil yo'llari hududiy bosh boshqarmasi   Click to listen highlighted text! Welcome to Samarqand viloyati Avtomobil yo'llari hududiy bosh boshqarmasi Powered By GSpeech

Oʼzbekistonda qancha abiturient oʼqishga hujjat topshirdi?



Bu yilgi qabul jarayonida eng yosh abiturient 14 yoshni, eng yoshi katta abiturient 87 yoshni tashkil etdi.

2019/2020 oʼquv yili uchun oliy taʼlim muassasalarining bakalavriatiga abiturientlarni roʼyxatdan oʼtkazish yakunlandi.

Rekord yangilandi: Oʼzbekistonda 80 yoshli fuqaro oʼqishga hujjat topshirdi
Davlat test markazi maʼlumotlariga qaraganda, respublika boʼyicha jami 60 ta oliy taʼlim muassasalari va ularning 30 ta filiallariga kirish uchun 1 mln. 66 ming 925 nafar abiturientlar roʼyxatdan oʼtkazildi.

Shundan kunduzgi taʼlim shakliga - 718 097 nafar, kechki taʼlim shakliga - 13 821 nafar, sirtqi taʼlim shakliga - 335 007 nafar abiturient roʼyxatdan oʼtdi.

Аbiturientlarni roʼyxatdan oʼtkazish 90 ta oliy taʼlim muassasalarining qabul komissiyalari va 201 ta Davlat xizmatlari markazlarida 4 500 dan ortiq operatorlar tomonidan amalga oshirildi

Bu yilgi qabul jarayonida eng yosh abiturient 14 yoshni (14 yosh 212 kun), eng yoshi katta abiturient 87 yoshni (87 yosh 182 kun) tashkil etdi.

Hujjat topshirgan abiturientlar soni 1 millionga yaqinlashdi
Аbiturientlar tomonidan eng koʼp tanlangan oliy taʼlim muassasasi Samarqand davlat universiteti boʼlib, bu yerga 74 ming 377 nafar abiturient hujjat topshirgan. 45 ming 977 nafar abiturient tanlagan Аndijon Davlat universiteti ikkinchi, Qarshi davlat universiteti esa 44 ming 676 nafar abiturient bilan uchinchi oʼrinda qayd etilgan.

Tanlov koʼrsatkichi eng yuqori boʼlgan oliy taʼlim muassasasi (birinchi sifatida tanlangan taʼlim yoʼnalishiga nisbatan, bir oʼringa) esa Oʼzbekiston Milliy universitetining Jizzax filiali (29,47) boʼldi.

Ish haqi, pensiyalar, stipendiyalar va nafaqalar miqdorini oshirish toʻgʻrisida

Ish haqi, pensiyalar, stipendiyalar va nafaqalar  miqdorini oshirish toʻgʻrisida

 

Oʻzbekiston Respublikasi Prezidentining

f a r m o n i

Aholi daromadlari va turmush darajasini qatʼiy oshirib borish, aholining ijtimoiy zaif qatlamlarini, shu jumladan nogironligi boʻlgan shaxslarni yanada ijtimoiy qoʻllab-quvvatlash uchun qulay shart-sharoitlarni yaratish hamda respublika fuqarolarini ijtimoiy qoʻllab-quvvatlashni kuchaytirish maqsadida:

  • 2019-yilning 1-avgustidan boshlab byudjet muassasalari va tashkilotlari xodimlarining ish haqi, pensiyalar, stipendiyalar hamda nafaqalar miqdori 1,1 baravar oshirilsin.
  • 2019-yilning 1-avgustidan boshlab Oʻzbekiston Respublikasi hududida eng kam:
  • Belgilansinki, 2019-yil 1-avgustdan boshlab:
  • 2019-yilning 1-avgustidan I guruh nogironlik nafaqasi, shuningdek, 16 yoshdan katta bolalikdan I guruh nogironlik nafaqasi oluvchilarga har oyda eng kam ish haqining 25 foizi miqdorida qoʻshimcha toʻlov joriy qilinsin.
  • Moliya vazirligi Bandlik va mehnat munosabatlari vazirligi, boshqa manfaatdor vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Davlat byudjetidan moliyalashtiriladigan tashkilotlar va muassasalar bilan birgalikda byudjet muassasalari va tashkilotlarining ish haqi, pensiyalar, stipendiyalar va nafaqalar miqdorlarining mazkur Farmon qoidalaridan kelib chiqqan holda oʻz vaqtida qayta hisoblab chiqilishini taʼminlasin.
  • Byudjet muassasalari va tashkilotlari xodimlarining ish haqi, pensiyalar, nafaqalar va stipendiyalarning oshirilishi bilan bogʻliq xarajatlar Oʻzbekiston Respublikasi Davlat byudjeti va Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasi hisobidan amalga oshirilsin.
  • Oʻzbekiston Respublika Prezidentining 2019-yil 21-maydagi “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida”gi PF–5723-son Farmoniga muvofiq 2019-yilning 1-sentyabridan eng kam ish haqi miqdori oʻrniga mehnatga haq toʻlashning eng kam miqdori, bazaviy hisoblash miqdori va pensiyani hisoblashning bazaviy miqdori kiritilayotganligi maʼlumot uchun qabul qilinsin.
  • Oʻzbekiston Respublikasi Prezidentining 2019-yil 21-maydagi “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida”gi PF–5723-son Farmoni 1-bandida:
  • Oʻzbekiston Respublikasi Prezidentining 2018-yil 13-oktyabrdagi “Ish haqi, pensiyalar, stipendiyalar va nafaqalar miqdorini oshirish toʻgʻrisida”gi PF–5553-son Farmoni uning 4 va 8-bandlari istisno qilingan holda 2019-yilning 1-avgustidan oʻz kuchini yoʻqotgan deb hisoblansin.
  • Oʻzbekiston Respublikasi Moliya vazirligi boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
  • Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

ish haqi – oyiga 223 000 soʻm;

yoshga doir pensiyalar – oyiga 436 150 soʻm;

bolalikdan nogironligi boʻlgan shaxslarga beriladigan nafaqa – oyiga 436 150 soʻm;

zarur ish stajiga ega boʻlmagan keksa yoshdagi va mehnatga layoqatsiz fuqarolarga beriladigan nafaqa oyiga 267 650 soʻm miqdorida belgilansin.

II guruh nogironligi boʻlgan shaxslarning nogironlik pensiyalari eng kam miqdori yoshga doir eng kam pensiyaning 50 foizidan 75 foiziga oshiriladi;

II guruh nogironligi boʻlgan yolgʻiz shaxslar – pensionerlarning pensiyalariga ustama miqdori eng kam ish haqining 50 foizidan 75 foiziga oshiriladi;

 

boquvchisini yoʻqotganlik nafaqasi miqdori mehnatga layoqatsiz oila aʼzolari soniga amaldagi foizlar nisbati saqlangan holda yoshga doir pensiyaning eng kam miqdoridan kelib chiqib belgilanadi.

 

Ish beruvchilarga ish haqi miqdorlarini qonun hujjatlarida belgilangan mehnatga haq toʻlashning eng kam miqdoridan kam boʻlmagan holda toʻlashni taʼminlab, ish haqi miqdorlarini eng kam ish haqiga muvofiq oshirish tavsiya etilsin.

ikkinchi xatboshidagi “577 170” raqami “634 880” raqami bilan almashtirilsin;

uchinchi xatboshidagi “202 730” raqami “223 000” raqami bilan almashtirilsin;

toʻrtinchi xatboshidagi “202 730” raqami “223 000” raqami bilan almashtirilsin.

Oʻzbekiston Respublikasi

Prezidenti                                                                                               Sh. Mirziyoyev

 

 

Toshkent shahri, 
2019-yil 12-iyul

Oqdaryo hokimi avtomobiliga «migalka» o'rnatgani uchun jarimaga tortildi


Оқдарё ҳокими автомобилига «мигалка» ўрнатгани учун жаримага тортилди

Samarqand viloyati Oqdaryo tumani hokimi Feruz Abilov Ne'matullayevichning davlat raqami 30 330 SAA bo'lgan «Kaptiva» rusumli xizmat avtomobili old qismiga o'zboshimchalik bilan «migalka» (stroboskop) o'rnatilganligi aniqlandi.

Holat yuzasidan chora ko'rish bo'yicha tuman IIB YHXB Oqdaryo tuman bo'limi boshlig'i katta inspektor leytenant N.Ibragimovga murojaat etildi. Ma'muriy huquqbuzarlik amaldor – tuman hokimining xizmat avtomobili bilan bog'liq ekanligi uchun turli bahonalar bilan inkor qilinishiga harakat sezildi.


photo5193199993484323850.jpg 

Shundan so'ng ushbu holat Samarqand viloyat IIB YHXB boshqarmasida muhokama qilindi va boshqarma rahbariyati aralashuvi natijasida huquqbuzarlik yuzasidan ma'muriy bayonnoma rasmiylashtirildi.

manba:http://uza.uz

Samarqand, Namangan va Urganch aeroportlari boshqaruvi “Novaport” kompaniyasiga oʻtadimi? Bunga Transport vazirligi munosabat bildirdi

Samarqand, Namangan va Urganch aeroportlari boshqaruvi “Novaport” kompaniyasiga oʻtadimi? Bunga Transport vazirligi munosabat bildirdi

 

RASMIY MUNOSABAT. Oʻzbekiston Respublikasi Transport vazirligi ijtimoiy tarmoqlarda keng muhokamalarga sabab boʻlayotgan Samarqand, Namangan va Urganch aeroportlari boshqaruvi “Novaport” kompaniyasiga oʻtishi toʻgʻrisidagi xabarlar yuzasidan quyidagilarni maʼlum qiladi.

Soʻnggi yillarda mamlakatimizda fuqaro aviatsiyasini rivojlantirish, havo kemalari parkini bosqichma-bosqich yangilash, parvozlarning yuqori darajadagi xavfsizligini taʼminlash, aeroportlar infratuzilmasini, havodagi harakatni boshqarish tizimini va malakali mutaxassislar tayyorlashni takomillashtirish borasida qator ishlar amalga oshirilmoqda.

Biroq shunga qaramasdan, mamlakatimizning fuqaro aviatsiyasida uning jahon aviatashishlar bozorida raqobatbardoshligini taʼminlash va ushbu tarmoqqa investitsiyalarni faol jalb qilish, sohaning tarmoq korxonalari moliyaviy barqarorligi va rentabelligini taʼminlash imkonini beruvchi menejmentning zamonaviy tizimini joriy etish masalalarida qator tizimli kamchiliklar saqlanib turibti.

Aeroportlar ekspulutatsiyasi va ish faoliyatini taʼminlash doimiy ravishda katta miqdordagi investitsiyalar kiritilishini talab etadi. Aeroport infratuzilmasini rivojlantirish, jumladan yoʻlovchi terminallari, uchish- qoʻnish yoʻlaklarini qurish va rekonstruksiya qilish, yoritish va signal chiroqlari qurilmalarini modernizatsiya qilish, maxsus texnikalarni xarid qilish, havo kemalari, yoʻlovchilar va bagajlarga xizmat koʻrsatish jarayoniga zamonaviy axborot texnologiyalarini tadbiq etish katta sarf-xarajatlarni talab etadi.

Hozirgi kunda fuqaro aviatsiyasi boshqaruv tizimi, shu jumladan yerdagi infratuzilmadan foydalanish xizmat koʻrsatishning jahon standartlariga javob bermasligi, reyslarga koʻrsatilayotgan xizmatlarning yetarli darajada emasligi, asosiy ishlab chiqarish faoliyatidan tushadigan daromadlarning pastligi mamlakatimizdagi ayrim aeroportlarning norentabelligiga sabab boʻlmoqda. Bu kabi aeroportlarning ish faoliyatini taʼminlash davlat byudjetidan katta miqdordagi mablagʻajratilishini talab etmoqda.

Jahon Banki ekspertlar guruhining fikricha aeroportlar oʻtkazuvchanlik qobiliyatining cheklanganligi va infratuzilma sarf-xarajatlarining yuqoriligi parvozlar narxining qimmatlashuviga sabab boʻlmoqda, bu esa oʻz navbatida xorijiy aviatashuvchilarning bozorga kirish imkoniyatlarini cheklamoqda.

Jumladan, Termiz xalqaro aeroporti uchish-qoʻnish yoʻlagining xalqaro talablarga mutlaqo javob bermasligi xorijiy aviakompaniyalarning mazkur aeroportga parvozlarni amalga oshirishiga toʻsiq boʻlmoqda.

 

Bundan tashqari, bugungi kunda Toshkent, Samarqand, Buxoro, Andijon xalqaro aeroportlarining uchish-qoʻnish yoʻlaklari taʼmirtalab ahvolda.

 

Shuningdek, Toshkent, Namangan, Samarqand, Buxoro, Urganch va Andijon xalqaro aeroportlari terminalining kichikligi ularning oʻtkazuvchanlik quvvati past koʻrsatkichda qolishiga sabab boʻlmoqda.

 

Bu kabi salbiy holatlar ayrim yoʻlovchilar parvozlarni qoʻshni davlatlarning Oʻsh, Chimkent kabi shaharlari orqali amalga oshirishiga olib kelmoqda.

 

Yetakchi xalqaro ekspertlarning fikricha xalqaro standartlar darajasida xizmat koʻrsatishni taʼminlash uchun aeroportlardan foydalanish va ularni rivojlantirishga xususiy sektorni jalb etish mavjud muammolarning yechimi boʻlib hisoblanadi.

Aviatashuvlar bozorida raqobat muhitini yaratish va sohaga toʻgʻridan-toʻgʻri investitsiyalarni faol jalb etishning dastlabki natijasi Samarqand, Namangan va Urganch shaharlari aeroportlari boshqaruvining konsessiya kelishuvi asosida Rossiya Federatsiyasining “Novaport” kompaniyasiga berilishi mazkur yoʻnalishdagi dastlabki qadamdir.

Kelishuvga koʻra “Novaport” kompaniyasi oʻz sarmoyalari hisobidan yuqoridagi aeroportlarni modernizatsiya qilish va rivojlantirishga qaratilgan “Loyihalash, Qurilish, Ekspluatatsiya, Topshirish” (DBOT) modeli asosida ishlarni bajarish majburiyatini oʻz zimmasiga oladi. Ekspluatatsiya davrida “Novaport” kompaniyasi davlatga konsessiya yigʻimlarini toʻlab boradi.

 

Fuqaro aviatsiyasi sohasida boshqaruvning zamonaviy shakl va usullarini joriy etishni jadallashtirish, soha korxonalarini xalqaro tendensiya va standartlarga muvofiq qayta tashkil etish hukumatning aviatsiya sohasidagi keng koʻlamli islohotlarni amalga oshirishdagi asosiy maqsadidir.

Shuni alohida taʼkidlash lozimki, mavjud qonunchilikka koʻra aerodrom infratuzilmasi obyektlari, jumladan havo kemalari uchun moʻljallangan uchish-qoʻnish va qoʻshimcha xarakatlanish yoʻlaklarini xususiy sherikka faqat boshqaruv uchun berilishi mumkin. Ushbu obyektlar strategik ahamiyatga ega boʻlgani bois mulk huquqi davlatda qoladi. Qolaversa, davlat xususiy sherikligining har qanday shakli va usullarida asosiy boshqaruv va nazorat vositalari davlatda boʻladi.

Samarqand, Namangan va Urganch aeroportlarini modernizatsiya qilish va rivojlantirishga qaratilgan loyihani amalga oshirish yuzasidan “Novaport” kompaniyasi oʻz takliflarini ishlab chiqmoqda. Ushbu takliflar mutasaddi vazirlik va idoralar vakillari tomonidan oʻrganib chiqilgandan soʻng yakuniy qaror qabul qilinadi.

Ushbu loyihani amalga oshirish aeroportlar infratuzilmasini rivojlantirish va kengaytirish, samarali ishlash va texnik xizmat koʻrsatishni taʼminlash, yoʻlovchilarga koʻrsatilayotgan xizmatlar sifatini oshirish, parvozlar geografiyasini kengaytirish, yoʻlovchi tashish hajmini koʻpaytirish kabi ijobiy natijalarga erishish imkonini beradi.

Aviatsiya sohasini tubdan takomillashtirish maqsadida, respublikamizning qolgan aeroportlarini davlat- xususiy sherikligi shartlari asosida investorlar boshqaruviga topshirish masalalari oʻrganib chiqilmoqda.

Xalqaro amaliyotga nazar soladigan boʻlsak, bugungi kunda toʻliq yoki qisman davlat xususiy sherikligi boshqaruvi asosida Sankt-Peterburg, Dehli, Afina, Istanbul, Tokio, Nagoya, Gonkong, Doxa, London, Syurix, Frankfurt, Amsterdam kabi yirik aeroportlar faoliyat yuritmoqda.

Bolasini davlat bogʻchalariga qoʻyishda kimlarga imtiyozlar bor?

Bolasini davlat bogʻchalariga qoʻyishda kimlarga imtiyozlar bor?

 
Adliya vazirligi bolani davlat bogʻchalariga qoʻyishda imtiyozlar beriladigan aholi qatlamlarini yana bir karra eslatdi.
 
Quyidagi shaxslarga bolani davlat bogʻchalariga qoʻyishda imtiyozlar beriladi:
• nogiron boʻlgan shaxslarning bolalari;
 
• uch nafar yoki undan koʻp bolalari boʻlgan oilalarning bolalari;
 
• harbiy xizmatchilarning va huquqni muhofaza qilish organlari xodimlarining bolalari;
 
• talabalar va pedagoglarning bolalari;
 
• yetim bolalar yoki ota-onasining qarovisiz qolgan bolalar;
 
• boshqa muassasalardan oʻtkazilgan bolalar;
 
• akalari yoki opalari ushbu muassasaning tarbiyalanuvchilari jumlasidan boʻlgan bolalar.
 
Bunda mazkur roʻyxatdagi bolalarga bogʻchada boʻsh oʻrinlar mavjud boʻlganda birinchi navbatda yoʻllanma beriladi.
Tugmani bosing Tinglash